google-site-verification: google7c79f84217089102.html

Benefits Of Chickpeas

/Benefits Of Chickpeas

Benefits Of Chickpeas

2018-11-12T19:26:45+00:00

BENEFITS OF CHICKPEAS:

There are many benefits of chickpeas. Chickpeas are known as “Choliya” in Urdu as well as “Holay”. This blog is in Roman Urdu. Here we have some amazing benefits of chickpeas. After benefits of chickpeas there is a recipe of chickpeas (Choliya).

BENEFITS OF CHICKPEAS (CHOLIYA KE FAYDE) IN ROMAN URDU:

Mosam e sarma ki soghaton main aik sabzi “Choliya” bhi hai jise “Holay” bhi kehte hain. Choliya ke bht se faiday hain ( benefits of chickpeas ) Chotte chotte botay sabzi ki dukanon par ronaq barhate hain. Aur aksar theelon par bhi nazar atay hain. Inhay mukhtalif andaz main khaya aur pakaya jata hai. Mosamay sarma ki is khoobsurat aur ghizaiyat say bharpor sabzi ko sabz chanay bhi kehte hain. Choliya sadiyoun se humari ghiza main shamil ho rahay hain. Is ghizaiyat say bharpor ki shamat phal anay yani chanay lagnay say pehlay he ajati hai. Jab is kay poday zameen say sar nikaltay he hain to log in podon ko bator saag paka kar khana shuru kar detay hain. Is ki ghizaiyat apni jaga lekin jab mazeed bara honay par chanon ki nanni pahalliyan lataknay lagti hain to sahi ghizaiyat say bharpor sabzi ban jati hai. Jisay paka kar khanay say kachcha khana zayada faidaymand hota hai. Holay, mong phali ki tarha bhoon kar bhi khaye jate hain.

Holay yani kachcha chana jisay baray aur bachay sab he shoq say khatay hain. Vitamin “E” ki khasi miqdar apnay chilkon main rakhta hai. Yeh vitamin taza dana dar gandum, badam, pista, chanay, matar aur digar phalon kay sabz chilkon main paya jata hai. Chanay main mojod vitamin E aza e raisah ki pro dakhat aur nasal e insani ki zar khayzi aur tawanai main mawan hai. Is ki kami say insanon aur hewanon main asqat ki bimari lahaq ho jati hai.

Chanay ka chota sa dana chahay kachcha ho ya paka, bhuna ho ya baghair bhuna, nishasta, hayateen aur lehmiyat ka khazana hai. Chanay main mojod vitamin “B” dil ki kar kardegi barhata hai. Dimagh, jigar, danton aur haddiyoun kay liye mufeed hai. Aur asab e groh aur hazmay kay amal main madadgar hai. Is ki kami sharyanon, ragon, aur pathon kay afal main khalal ka bais hai. Aur dil o dimagh kaya sab kamzoor parh jate hain. Vitamin “B” tamam taza anajon kay chilkon aur bejon main bakasrat paya jata hai. Chanay ko chilkon samait istamal karnay say amraz e gurda aur bar bar pathri bannay kay amal say nijat mil sakhti hai. Chanay kay chilkon main pishab lanay ki qudrati salahiyat pai jati hai. Bhunay hoa chanay chilkon samait khana zayada mufeed hai. Nazla zukam kay mustaqil mareezon kay liye yeh behtareen tonic hai.

Jin janwaron ki ghiza main chana shamil ho wo acha dodh aur behtareen gosht faraham karte hain. Is main mojod nitrogen aur hydrocarbon ki khafeef miqdar janwaron main charbi paida kar kay jisam ki quwat aur hararat ko mujtama rakhti hai. Chanay ka saag bhi gosht main pakaya jata hai. Balkay dehat kay log to saag ko kachcha istamal karte hain. Namkiyat kay sath taza sar sabz chanay kay saag main iron, calcium aur vitamins itnay he paye jatay hain jitney palak aur dosri sabz paton wali tarkariyoun main hotay hain.

Kachcha chana ya choliya (holay) bator sabzi istamal hota hai. Qadeem itba nay isi sabzi ko khanay kay liye logon par zor diya kay wo is ghiza ko apni ghiza ka lazmi hissa banayain. Chonkay taza chanay ya choliya apnay andar kafi zayada ghizaiyat ka zakhira rakhta hain. Is liye unho nay is kay kachchay danay bator nashta khanay ka riwaj banaya.

Registan main paida honay wali is sabzi main gosht paida karnay walay roghni aur nishasta dar ajza kay ilawa viamin A, B aur C kafi miqdar main paye jatay hain. Sath he is main 70% tak badan parwar foladi ajza paye jatay hain.

Gas ki bimari aur moun main pani bhar ana aam bimariyan hain. Motapay ka shikar afrad, balghami aur badi tabiyat kay sataye hoa mareez agar subha adha pao ya aik chatank kachchay choliya ka nashta karain aur is kay sath chaye ya pani pi lain to is say mayday, gas aur qabz ki taqleef dor ho jati hain. Aur sath he naya khoon paida honay wali ghiza bhi milti hai.

Choliya kay kachchay danay chabanay say ghizai taqat milti hai. Wo masooray mazboot karay pholay gosht say boti kay zarrat nikal kar usay sadol banatay hain. Aur danton ko saaf aur chamakdar banatay hain. Aik pao taza danon ka shorba bana kar pee lenay say aik waqt kay khanay kay barabar ghizaiyat hasil hoti hai. Choliya aur gosht ka salan lazzat aur tawanai say bharpor honay kay sath sath qabz kusha bhi hai. Aur balghum bannay say rokta hai. Europe aur digar maghribi o asiai mumalik main isay gosht ka behtareen nemulbadal samjha jata hai. Teesri duniya ka mazdoor tabqa amoman kam kaj kay doran bhook mitanay kay liye chanon ka sahara leta hai. Sahaba karam (R.A) bhi aksar tang dasti main sirf chanon par guzara karte the. Yehi chana in main ibadat o riyazat aur jung o jadal kay morqon main taqat o tawani ki farhami ka sabab bana hai. Aj to chanon kay istamal kay bay shumar jaded tariqay daryaft ho gaye hain.

 

Choliya Gosht Recipe Click Here

 

To stay updated like our page on Facebook Free Online Cooking and Baking Classes.

Follow us at Instagram:

@apni_wah

One Comment

  1. […] are so many benefits of chickpeas Click Here to get to know its amazing and mind blowing benefits in […]

Leave A Comment